GARSOORNEWS.COM – Fastest Independent Somali News Source

Mario Balotelli:“Man City waa iney ceshataa Roberto Mancini.”

nxWeeraryahankii hore  ee Manchester City   Mario Balotelli  ayaa ugu baaqay kooxda  Premier League ka dhisan inay ku sii dhegaan Roberto Mancini, isagoo sheegay inuu heysto taageerada  Ciyaaryahanada.
 
Tababaraha  ayaa  cadaadis uu soo wajahay xilli ciyaareedkan, iyadoo 12 dhibcood ay ka danbeeyaan kala sareynta horyaalka kooxda hogaanka u heysa ee Manchester United.
 
“Qof kale oo u fiican City ma jirto. Tan ugu muhiimsana ciyaartoyda ayaa jecel.” ayuu Mario Balotelli u sheegay The Sun.
 
“Hadii aad weydiiso cida ay doonayaan xilli ciyaareedka soo socda, ciyaaryahan kasta waxa uu dhahayaa Roberto. Kaliya ma ahan tababarahooda laakiin sidoo kale waa saaxiibkood.”
 
22 jirkaan oo ka tagay Etihad Stadiun bishii Janaayo kuna biiray AC Milan, ayaa sidoo kale aaminsan in guulaha uu gaarsiiyay kooxda ninka ay isku wadanka yihiin inay u dhigan tahay inuu u qalmo in waqti badan la siiyo.
 
Waxa uu hadalkiisa raaciyay: “Fiiri guulaha uu Roberto gaaray – Fa Cup iyo horyaalkii ugu horeeyay muddo ka badan 40 sanadood.
 
“Xitaa Alex Ferguson koob kuma guuleysto sannad kasta – laakiin mar walba waa uu soo laabtaa.”

You must be logged in to post a comment Login

Photo Gallery

Designed by Afrotech