Waa Kuma Senator Abshir Bukhaari oo La Doortay?

by Farah C/laahi | Sunday, Jan 22, 2017 | 256 views

MUQDISHO (Garsoor Online) — Xidhibaan Abshir Maxamed Axmed “Bukhaari” ayaa noqday guddoomiye ku-xigeenka 1-aad ee Aqalka Sare ee Baarlamaanka Federaalka Soomaaliya.

Doorashada hadda ka socota xarunta Aqalka Sare ee Baaralamaanka Federaalka Soomaaliya ayaa waxaa ku guuleystay Abshir Maxamed Axmed “Bukhaari” oo noqday guddomiye ku-xigeenka Koowaad ee ugu horreeyay ee loo doorto Aqalka Sare ee Baarlamaanka Federaalka Soomaaliya, kadib markii uu ku guuleystay codod gaaraya 30 cod.

Abshir Bukhaari waxaa uu horey u ahaa guddoomiyaha Warbaahinta Goobjoog Media Group, waxaa uu sidoo kale soo noqdey agaasimaha madaxtooyada Soomaaliya.

October 15, 2016: waxaa uu noqday senetor-kii ugu horreyay ee Soomaaliya lagu doorto.

Cododka Sida Loo Kala Helay:

Abshir Maxamed Axmed: 30

Cabdi Axmed Dhuxulow:22

Doorashada guddoomiye ku-xigeenka 2-aad ayaa hadda goor dhawa bilaabaneysa, waxaan u tartamaya 7 xildhibaan oo ka tirsan Aqalka Sare.

Goobjoog News

Like it? Share it!

Leave A Response