Akhriso Magacyada Saraakiisha Ku Dhintay Weerarkii ka dhacay Warshada Nacnaca Muqdisho

by Farah C/laahi | Monday, Apr 10, 2017 | 65 views

5 Askari ayaa ku dhimatay 10 Kalena waa ay ku dhaawacmeen Qaraxii Ismiidaaminta ahaa ee ka dhacay Warshaddii hore ee Nacnaca Degmada Wadajir.

Saraakiil ayaa la sheegay in ay ku jireen dadka Qaraxaasi ku dhaawacmay.

Qaraxa ayaa Waxaa uu Fuliyay Ruux soo xirtay Dharka ciidamada dowladda Soomaaliya.

Qaraxa ayaa ahaa mid xooggan , waxaana la sheegay in ruuxa Qaraxa fuliyay uu gudaha u soo galay Xerada Ciidamada ka dibna uu is qarxiyay.

Dadka la Xaqiijiyay inay ku dhinteen Weerarkani Ismiidaminta ahaa ayaa waxaa ka mid ah, Madaxii Tababarada ee Xerada Warshadii hore ee Nacnaca Korneel Badri Sheekh Aadan, Macalimiin Milateriga oo ay ka mid yihiin Korneel Bilaawe Cadde, 2-xidigle Cabdi Xakiin iyo G/dhexe Abuukar Dheere.

Xarakada Al Shabaab ayaa sheegatay Mas’uuliyada weerarkaasi ismiidaaminta ahaa ee maanta lagu qaaday Warshadii Nacnaca oo hada lagu tababaro ciidanka Milatariga Soomaaliyeed.

Al Shabaab waxa ay sheegeen in weerarka ay ku dileen 25 ruux oo isugu jira saraakiil iyo askar milatariga Soomaaliya kamid ah.

Like it? Share it!

Leave A Response